Ukraynanın Odessa şəhərində - Hüquq Akademiyası qarşısında “Avtomaydan” fəalları və “Vətəndaş Təhlükəsizliyi Şurası” təşkilatı qeyri-adi aksiya keçiriblər.

Hafta.az-ın segodnya.ua saytına istinadən verdiyi məlumata görə, aksiyaçılar əvvəlcə akademiyanın fəxri prezidenti və xalq deputatı Sergey Kivalovun müqəvvasını yandırıblar. Sonra xalq deputatının əksi olan başdaşını elm ocağının binası qarşısına qoyaraq üzərində “burada korrupsiya uyuyur” yazılmış “abidə”nın önünə təntənəli şəkildə gül-çiçək və əklil düzüblər. Tədbir iştirakçıları və yaxınlıqdan keçənlər “məzar”ın yanında şəkil də çəkdiriblər. Etiraz aksiyası heç bir polis müdaxiləsi olmadan sakit başa çatıb.