ABŞ-ın müdafiə naziri Eşton Karter son bir ildə ilk dəfədir ki, rusiyalı həmkarı Sergey Şoyquilə telefon bağlantısı qurub.

ANS PRESS-in məlumatına görə, bu barədə Pentaqonun mətbuat xidməti açıqlama yayıb.

Məlumata əsasən, nazirlər Suriyadakı vəziyyəti müzakirə ediblər, ölkədə silahlı münaqişənin nizamlama yolları və İŞİD-lə mübarizə ilə bağlı dialoqu davam etdirəcəklərini vurğulayıblar.

Nazirlər arasında söhbət 50 dəqiqə davam edib. Görüşdə Suriyaya silah göndərilməsi məsələsinə toxunmayıblar. Nazirlər bu məsələni müzakirə etməsələr də ABŞ-ın nüfuzlu qəzeti ” Wall Street Journal” Rusiyanın Suriyaya ilk dəfə 4 ədəd döyüş təyyarəsini göndərdiyini iddia edir. 


Sergey Şoyqu-Rusiyanın müdafiə naziri


Qəzetin Pentaqon rəsmilərinə istiandlə verdiyi xəbərə görə, təyyarələr Bəşər Əsədə dəstək məqsədi ilə göndərilib. Xəbərdə Latakiya şəhərinində Rusiyaya məxsus 4 döyüş təyyarəsinin olduğu birdirilir. Son bir neçə gündə Suriya ordusunu güçünün artmasıda bununla izah edilir.

Daha əvvəl "Reuters" bildirirdi ki, bu bazada 200 Rusiya dəniz piyadaçısı və müvəqqəti qalamaq üçün nəzərdə tutulan evlər, mobil yerüstü stansiyalar və hava hücumundan müdafiə sistemlərinə aid komponentlər quraşdırılıb.


Aralıq və Egey dənizlərində Rusiya və ABŞ hərbi gəmiləri(Rusiya Suriya sahillərində üstünlüyə malikdir )

İki ölkə həm Ukraynada həmdə Suriyada açıq formada olmasa da üz-üzə gəlirlər. Son günlər isə Rusiyanın Suriya ərazisində hərbi fəaliyyətini artırması iki ölkə arasında vəziyyəti dahada gərginləşdirib.

Bu, Rusiya və ABŞ müdafiə nazirləri arasında 2014-cü ilin avqustundan bəri ilk danışıq olub. O zaman Şoyqu Karterdən əvvəl Pentaqon rəhbəri olmuş Çak Heyqellə danışıqlar aparıb. Həmin görüşdə də Suriya məsələsi geniş müzakirə olunub.


Eşton Karter-ABŞ-ın müdafiə naziri