Azərbaycan Texnologiya Universitetində kadr dəyişikliyi olub. Mediatv.az report-a istinadən xəbər verir ki, ali təhsil müəssisəsinin mövcud 4 fakültəsinin dekanları - Standartlaşdırma və texnoloji maşınlar fakültəsinin dekanı Namiq Əsgərov, Qida məhsullarının texnologiyası və turizm fakültəsinin dekanı Arzu Həsənov, İqtisadiyyat və idarəetmə fakültəsinin dekanı  Xalidə Ağayeva və İstehlak mallarının texnologiyası və ekspertiza fakültəsinin dekanı Namiq Davudov avqustun 4-dən öz ərizələri ilə tutduqları vəzifədən azad olunublar.

Növbəti dekan seçkiləri keçirilənədək onların vəzifəsinin icrası dekan müavinlərinə həvalə olunub. 

Hazırda dekan vəzifələrinin icrası müvafiq olaraq Standartlaşdırma və texnoloji maşınlar fakültəsində Qəhrəman Namazova, Qida məhsullarının texnologiyası və turizm fakültəsində Hafiz Əsgərova, İqtisadiyyat və idarəetmə fakültəsində İsa Əhmədova, İstehlak mallarının texnologiyası və ekspertiza fakültəsində isə Babək Fərzəliyevə həvalə edilib.