Mediatv.az “The Daily Mirror” nəşrinə istinadən xəbər verir ki, sevgilisi ilə 16 ədəd oyuncağı arasında seçim etməli olan cavan oğlan oyuncaqları seçib.

 

30 yaşlı oğlan bildirir ki, sevgilisi oyuncaqları ilə onun arasında seçimi etməyi təklif edib. Cavan oğlan əvvəlcə hobbisindən imtina etməyə razılaşıb. Ancaq səkkiz ay sonra sevgilisi ilə münasibətlərinə son qoyaraq oyuncaqların yanına qayıdıb. Bruker öz qərarını belə izah edib ki, kuklalarsız həyatı təsəvvür edə bilmir. “Münasibətlərimizin yaranmasından dörd ay sonra sevgilim məni kuklalara qısqanmağa başladı. O, bildirdi ki, kuklalar heç vaxt mənim arvadım olmayacaq”, - Nyu-Yorkun sakini qeyd edib.

 

Bruker əlavə edib ki, 13 yaşından başlayaraq oyuncaq kolleksiyasını toplamağa başlayıb. “İnsanlardan fərqli olaraq kuklalar heç vaxt mənim ümidimi boşa çıxartmayıb”, - kolleksiyanın sahibi bildirib.

 

O, kuklaların ABŞ-ın müxtəlif şəhərlərdə təqdimatı üçün təxminən 200 min dollar xərcləyib. Bu pul kuklaların geyimi, saç düzümləri və onların daşınmasına sərf edilib.