Bakının Nərimanov rayonu, Montin qəsəbəsində yerləşən pubda Ermənistanın milli qəhrəmanı olan Andranik Ozanyanın portreti vurulub. 

 “Mediatv.az” xəbər verir ki, bununla bağlı məlumat sosial şəbəkədə yayılmışdı. Hadisə yerində olan əməkdaşımızın sözlərinə görə, hazırda pubun yerləşdiyi ərazidə çoxlu sayda polis əməkdaşları var. “Stara Praqa” adlanan pubı hazırda işlədən Ramin adlı şəxsin sözlərinə görə, hələ iki il əvvəl bu pubu alarkən həmin foto olub və onun altında Pyotr Nikodimoviç Montinin adı yazılıb. 

Sahibkar bildirib ki, portretin həmin şəxsə aid olduğunu düşünüb və yerləşdiyi ərazinin də adına uyğun olduğu üçün onu götürməyib.

Əməkdaşımın sözlərinə görə, artıq Andranikin portreti oradan götürülüb.

Qeyd edək ki, 1918-ci ildə əsasən Qarabağ və Zəngəzurda azərbaycanlıların yaşadıqları kəndlərin dağdılması və əhalinin qətlində Andranikin rəhbərlik etdiyi dəstənin xüsusi rolu olub.

***

Əməkdaşımızın sözlərinə görə, artıq pubın icarədarı Ramin Nərimanov RPİ 18-ci polis bölməsinə ifadəsi almaq üçün aparılıb. Fakt üçün polis əməkdaşları sözügedən portret və reklam bannerlərini də götürüblər.

Murad Əhməd