Mədəniyyət və Turizm Nazirliyindən Lent.az-a verilən məlumata görə, qısamüddətli  səfər zamanı Rusiya kinosunun ən böyük simalarından olan N. Mixalkov azərbaycanlı həmkarları ilə görüşəcək, ikitərəfli əməkdaşlığın genişləndirilməsi məsələləri ətrafında müzakirələr aparılacaq,  paytaxtımızla tanış olacaq.

 

Səfər çərçivəsində Kann, Venesiya kimi dünyanın ən nüfuzlu kino festivallarının qalibi, “Oskar” mükafatı laureatı Nikita Mixalkovun gənc kinematoqrafçılar üçün ustad dərsi təşkil olunacaq.    

 

Qeyd edək ki, N. Mixalkov “Beş gecə”, “Piano üçün yarımçıq qalmış pyes” “Oblomovun həyatından bir neçə gün", “Şahidlərsiz”, “Qara gözlər”, ”Urqa”, “Günəşdən usanmışlar", "Sibir bərbəri", "12", “Günvurma” və bir çox başqa filmlərin müəllifidir.