FHN əməkdaşları icbari qaydada sığortalanacaq

“Fövqəladə hallar orqanlarında xidmətkeçmə haqqında” qanunda dəyişiklik edilməsi barədə qanun təsdiq edilib.

Mediatv.AZ-ın məlumatına görə, prezident İlham Əliyev bu barədə sərəncam imzalayıb. 

Qanuna əsasən, fövqəladə hallar orqanlarının əməkdaşlarının həyat və sağlamlığı “Məhkəmə və hüquq mühafizə orqanları işçilərinin dövlət icbari şəxsi sığortası haqqında” qanuna uyğun olaraq icbari qaydada sığorta etdiriləcək.

* * *

Prezident İlham Əliyev “Yanğın təhlükəsizliyi haqqında” qanunda dəyişikliklər edilməsi barədə qanunu təsdiq edib

Qanuna əsasən, yanğından sığortalama könüllü, həmçinin daşınmaz əmlakın icbari sığortası və daşınmaz əmlakın istismarı ilə bağlı mülki məsuliyyətin icbari sığortası növlərinin tərkibində icbari qaydada həyata keçiriləcək.

Daşınmaz əmlakın, həmçinin daşınmaz əmlakın istismarı ilə bağlı mülki məsuliyyətin icbari qaydada sığortalanması “İcbari sığortalar haqqında” qanuna uyğun olaraq aparılacaq. Bu qanunun tələblərinin pozulması Mülki, İnzibati Xətalar və Cinayət məcəllələrində nəzərdə tutulmuş hallarda məsuliyyətə səbəb olacaq.