Əhməd Bakixaov adina 6 saylı Uşaq Musiqi Məktəbinin müəllimləri - Mahirə Kərimova, Kürsüm Bağiyeva, Tamilla Kazimova, Ülkər Haciyeva ,eləcə də bəzi valideynlər Mədəniyyət nazirliyinə və digər aidiyyatı orqanlara Əhməd Bakixanov adina 6 saylı uşaq musiqi məktəbinin direktoru Sevda Rəhimovanin qanunsuz əməllərindən şikayət etmişdirlər.Şikayətin bir nüxsəsi də Mediatv.az-ın elektron poçtuna daxil olmuşdur.Şikayətçilır yazır: 6 saylı uşaq musiqi məktəbinin direktoru Sevda Rəhimovanin təhqirlərindən, santajlarindan, dözülməz yalanlarından, şər və böhtanlarından cana doymuşuq.  6 saylı uşaq musiqi məktəbinin direktoru Sevda Rəhimovanin qanunsuz əməllərindən ,dövlət vəsaitini mənimsə halından  Yasamal rayon prokurorluğuna şikayət etmişik.Rayon prokurorluğunda araşdırma zamani direktor tərəfindən , 10 min manata  yaxin vəsaitin  mənimsənilməsi, israf etmə halı və digər məqamlar sübuta yetirilmişdir.
Direktor eyni zamanda  vəzifə cinayəti törətmişdir.Araşdırma zamanı  Sevda Rəhimova etiraf edib ki,10 minə yaxin pulu mənimsəyib,həm də vəzifə  səhlənkarliğina yol verib.Lakin əsas məsələ ondan ibarətdir ki ,dövlətin 10 min manata yaxın pulunu mənimsəyən direktor hələ də rəhbər vəzifəsində qalmaqda davam edir. Direktor Sevda Rəhimova deyir ki arxam var,nə edirsiz edin,kimə istəsəz deyin mənə heç kim,heç nə edə bilməz.
Direktor Sevda Rəhimovanın arxa dayağım var dediyi adamların köməyi ilə, etdiklərini cənab nazir Adil Kərimlidən gizlədilir. Tələbimiz bundan ibarətdir ki,bu cür qanunsuz əməlləri törədən direktor mədəniyyət ocaginda rəhbərlik edə bilməz,dövlət büdcəsindən yeyinti etmiş direktor şagirdlərə, müəllimlərə nümunə ola bilməz.
Əhməd Bakixanov adina 6 nömrəli uşaq musiqi məktəbinin direktoru Sevda Rəhimovanin qanunazidd əməlləri  israf etmə, yeyinti, mənimsəmə, talama- CM-nin 179 maddəsinə uyğun olaraq cinayər məsuliyyəti yaradır.Bunu Yasamal rayon prokurorluğunun bizə ünvanlanmış 24 iyun 2023 cü il tarixli N400-C-22 nömrəli  məktubundan da aydın görmək olur. Aşkarlanmış bu fakt mədəniyyət naziri cənab Adil Kərimlidən gizlədilir və ünvanladığımız şikayətlər  Mədəniyyət naziri cənab Adil Kərimliyə  çatdirilmir.Yasamal rayon prokurorluğunda araşdırma aparılmazdan  əvvəl, 22 may 2023-ci il tarixdə biz bir qrup müəllim  cənab nazir Adil Kərimlinin qəbulunda olduq və direktorun qanunazidd əməllərindən şikayətçi olduğumuzu bildirdik. Hörmətli nazir biz müəllimlərə bildirdi ki, bizim müraciətə ədalətli baxacaq.Məktəbimizin kollektivi nazirimizin ədalətli və obyektiv insan olduğuna əminik.Nazirimiz Adil Kərimli cox vətənpərvər, dövlətinə, millətinə sadiq savadli şəxsdir.Onu da əlavə olaraq qeyd etmək isdəyirik ki, bir müddət əvvəl Maliyyə Nazirliyinin nümayəndələri 6 saylı uşaq musiqi məktəbində yoxlama aparmışlar.Maliyyə Nazirliyinin nümayəndələri məktəbimizdə yoxlama apararkən, məktəbdə heç zaman görmədiyimiz şagirdlər və müəllimlər peyda olmuşdu.Maliyyə nazirliyinin yoxlamasi zamanı,  direktor Sevda Rəhimovanin 21 900 AZN-dən  cox maliyyə əskikliyinin olmasi faktı öz təsdiqini tapib.Bu faktı  bizə Baki şəhər prokurorluğunun və Yasamal rayon prokurorluğunun nümayəndələri bildiriblər.
 Ölkə başçısı cənab İlham Əliyevin korrupsiya ilə necə amansız mübarizə apardığını, bununla bağlı hansı islahatlar həyata keçirildiyi hər kəsə bəllidir. Amma təssüf ki, bəzən məmur özbaşnalığı səbəbindən cinayətkar cəzasız qalır. Bütün bunlarla bağlı biz təkrarən bütün aidiyyatlı qurumlara ərizə ilə müraciət etmişik.İnanırıq ki, etdiyimiz şikayətlər cavabsız qalmayacaq. İşlədiyimiz təhsil olacağında daha dəqiq və ciddi araşdırmalar aparılacaq və cinayətkarlar cəzalarına çatacaqlar.