“Mövcud vəziyyət Azərbaycan üçün əlverişlidir. Çünki bu halda Avropadan mal və xidmət almaq ölkəmiz üçün ucuz başa gələcək”. "Mediatv.az" xəbər verir ki, bunu Bizim.Media-ya açıqlamasında maliyyə-bank eksperti Əkrəm Həsənov 1 avronun 1 dollar olması fonunda Azərbaycan milli valyutasının da avroya nisbətdə möhkəmlənərək, 1,7 manat olmasnın ölkəmizə verəcəyi dividentlərdən danışarkən deyib:

“1 avronun 1 dollar olması fonunda avro manata nisbətdə də ucuzlaşıb. Bu da onunla bağlıdır ki, manat əslində dollara bağlı olan valyutadır.

Ona görə digər valyutalar kimi, manatın da qiyməti dollara uyğun müəyyən olunur. Dollar dünyada bahalaşır, digər valyutalar ucuzlaşırsa, deməli həmin valyutalar manata nisbətdə də ucuzlaşır. Bu mənada avro dollara nisbətdə baha olan dövrdə 1 avro 2 manat idisə, hazırda bu rəqəm 1,7 manata düşüb.

Deməli, manat da dollar kimi avroya nisbətdə möhkəmlənir. Azərbaycana əsasən xarici valyuta olaraq dollar gəlir.

Bu da ölkəmizin xaricə əsasən neft və qaz satması ilə bağlıdır. Nəticədə indiki halda həmin dollarla daha çox avro alırıq. Bu isə ölkəmizə Avropadan daha çox mal və xidmət əldə etməyimizə imkan verir. Ona görə də mövcud vəziyyət Azərbaycan üçün əlverişlidir”.шаблоны для dle 11.2