"Standard & Poor's" (S&P) beynəlxalq reytinq agentliyi məlumat yayıb. Məlumatda bildirilir ki, Azərbaycandakı mövcud neft yataqları köhnəlir və hasilatda azalma davam edir.
“2010-2021-ci illər arasında neft hasilatı təxminən 30% azalaraq sutkada 1 milyon bareldən təxminən 0,74 milyon barelə düşüb”,- deyə qeryd olunur. "Mediatv.az"-ın məlumatına görə, iqtisadçı Natiq Cəfərli Bizimyol.info-ya açıqlaması zamanı bildirib ki, neft hasilatının azalması 2011-ci ildən sonra sürətlənib.

“2011-ci ildə biz pik nöqtəsini gördük.Gündə 1milyon barel neft hasil olunurdu. İndi əsas hədəf bu hasilatı sabitləşdirməkdir. Yəni, hasilatın azalmasının qarşısını almaqdır. Bunun üçün bəzi yeni yataqlarla bağlı müqavilələr bağlanır. Hətta daha dərin qatlardan neft çıxardılması ilə bağlı danışıqlar da gedir. Düzdür, bu daha bahalı layihələrdir.Amma hər bir halda maraq var”.

İqtisadçının sözlərinə görə, Azərbaycan iqtisadiyyatının əsas problemini, neftdən asılılığını nəzərə alsaq, hasilatın azalması ilə ixracat gəlirlərinin də azalması müşahidə oluna bilər.

“Bizim 90 faizə yaxın ixracatımızı neft və neft məshulları təşkil etdiyini düşünsək, bu, onu deməyə əsas verir ki, Azərbaycanda hasilat azaldıqca, bizim ixracatımız da azalacaq. Ona görə də bu azalma sürətlə getsə və bunu sabitləşdirmək mümkün olmasa, Azərbaycanda valyuta gəlirlərinin azalmasının şahidi ola bilərik. Yəni xaricə satdığımız neftin həcmi azaldıqca, ölkəyə daxil olan valyutanın da həcmi azalacaq”.шаблоны для dle 11.2