Dünya bazarında neft sürətlə bahalaşmaqdadır. Əmtəə birjalarında fevral ayından bəri ən yüksək qiymət qeydə alınıb.
"MediaPost" xəbər verir ki, Londonun "ICE Futures" qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin mart müqaviləsinin dəyəri 1 barelə görə 2,96% artaraq 55,99 dollar olub.
Nyu-Yorkun NYMEX əmtəə birjasında WTI markalı neftin fevral fyüçerslərinin 1 barelinin qiyməti 2,77% artaraq 52,24 dollar təşkil edib.
Qeyd edək ki, neftin qiymətinin artması Səudiyyə Ərəbistanın fevral-mart aylarında könüllü olaraq gündəlik 1 mln barel hasilatı azaltma niyyəti, ABŞ-da neft ehtiyatlarının azalması xəbərləri, həmçinin Corciya ştatında demokratların qələbəsi ilə əlaqələndirilir.
Bundan başqa, koronavirusa qarşı peyvəndin uğurlu olması da neftin qiymətini artıran amillər sırasındadır.
