Üzən məzənnəyə keçid istiqamətində işlər görülür. Ortamüddətli dövrdə üzən məzənnəyə keçə bilərik. 

Mediatv.az xəbər verir ki, bunu Mərkəzi Bank sədri Elman Rüstəmov keçirdiyi mətbuat konfransında bildirib.

O qeyd edib ki, dünyada sərbəst üzən məzənnə rejimi tətbiq edən ölkələrin sayı azdır:

“Ölkələrdə idarə olunan və yumşaq məzənnə rejimi tətbiq edilir. Üzən məzənnəyə keçid istiqamətində planlarımız var. Bunun üçün ilkin şərtləri yaratmaq lazımdır. Başlıca olaraq, ixracın şaxələndirilməsi vacibdir. Eyni zamanda, tam şəkildə liberal, şaxaləndilmiş valyuta bazarı formalaşdırılmalıdır. Üzən məzənnə o deməkdir ki, məzənnə tələb və təkliflə formalaşsın.

Son dövrlərdə aparılan işlər nəticəsində orta müddətli dövrdə şaxələnmiş valyuta bazarı yaradıla bilər. Buna uyğun şəkildə biz paralel digər tədbirləri reallaşdırmaqla üzən məzənnəyə keçə bilərik”.