"Fitch Ratings" beynəlxalq reytinq agentliyi Azərbaycanın suveren reytinqləri üzrə proqnozu yaxşılaşdırmasının səbəbini açıqlayıb.

Mediatv.az  Trend-ə istinadən xəbər verir ki, agentliyin inkişaf etməkdə olan Avropa ölkələrinin suveren reytinqi üzrə direktoru Ameli Ru deyib ki, bunun üç səbəbi var:

"Bir ay əvvəl biz Azərbaycanın suveren reytinqləri üzrə proqnozu "mənfi"dən "sabit"ə artırdıq. Bunun əsas səbəbi ölkədə dollarlaşmanın səviyyəsinin azalması, 2017-ci ilin aprelindən manatın məzənnəsinin sabitləşməsi, həmçinin Azərbaycan Beynəlxalq Bankının restrukturizasiya prosesidir ki, bu da ümumilikdə bank sektoruna müsbət təsir edib".