Misir Azərbaycanla əməkdaşlığı möhkəmləndirməyə və Suez kanalı layihəsinin inkişafına Azərbaycan investisiyalarının cəlb edilməsinə ümid edir.

Mediatv.az  xarici mətbuata istinadən xəbər verir ki, bu barədə Misirin xarici işlər naziri Samex Şurki Azərbaycanın iqtisadiyyat naziri Şahin Mustafayevlə Qahirədəki görüşlərində bildirib. 

Qeyd edək ki, Ş.Mustafayevin rəhbərlik etdiyi nümayəndə heyəti Qahirədə iki günlük rəsmi səfərdədir.  

Şurki bildirib ki, Misir rəsmi Bakı ilə bir sıra sahələrdə əməkdaşlıqda maraqlıdır. 

O, Misir hökumətinin iqtisadiyyatın müxtəlif sahələrinə, xüsusilə də neft-qaz sektorunda investisiya imkanlarına toxunub.