ABŞ Mərkəzi Bankının ilk qadın rəhbəri Canet Yellen səlahiyyət müddəti başa çatdıqdan sonra FES-in İdarə Heyətinin üzvü kimi qalmayacaq.

Mediatv.az "Bloomberg" agentliyinə istinadən xəbər verir ki, Yellenin istefa məktubu dünən ABŞ prezidenti Donald Trampa təqdim edilib.

Nəzərə çatdıraq ki, Yellenin səlahiyyət müddəti  2018-ci ilin fevralın 4-də başa çatır. 

ABŞ prezidenti Donald Trampa ünvanlanan məktubda C.Yellen qlobal maliyyə böhranı şəraitində ölkə iqtisadiyyatında irəliləyişə nail olmaqdan məmnunluğunu ifadə edib: "Bundan öncəki 10 illə müqayisədə iqtisadiyyatımız daha güclü, qarşılaşa biləcəyimiz qeyri-müəyyənliklərə daha dayanıqlıdır. ABŞ vətəndaşlarının və şirkətlərinin gözləntilərini doğrultmağa nail olduğumuz üçün çox məmnunam".

ABŞ prezidenti Donald Tramp FES rəhbərliyinə Cerome Powellini təyin edib.