Yanvar-avqust aylarında bankların Azərbaycan Mərkəzi Bankı qarşısında öhdəliyi 64,1% azalaraq, 609,3 mln. manata düşüb.

Mediatv.az  Maliyyə Bazarlarına Nəzarət Palatasına (MBNP) istinadən xəbər verir ki, hesabat dövründə kredit təşkilatlarının balans kapitalı 2 923,6 mln. manata çatıb.

8 ay ərzində bankların faiz gəlirləri 1 292,9 mln. manat, faiz xərcləri 634,2 mln. manat, qeyri-faiz gəlirləri 537,4 mln. manat, qeyri-faiz xərcləri 630,3 mln. manat təşkil edib. Nəticədə bank sektorunun xalis əməliyyat mənfəəti 565,8 mln. manat olub.

Banklar aktivlər üzrə mümkün zərərlərin ödənilməsi üçün xüsusi ehtiyatların yaradılmasına 196,8 mln. manat yönəldib, digər mənbələrdən 2,6 mln. manat gəlir əldə edib. Eləcə də, banklar tərəfindən 21,3 mln. manat mənfəət vergisi ödənilib. Bank sektorunun xalis mənfəəti  350,8 mln. manat olub.