İtaliyanın “Snam” şirkətinin baş icraçı direktoru Marco Alvera “Cənub Qaz Dəhlizi” layihəsini qitənin əsas enerji layihəsi kimi qələmə verib.

Mediatv.az “APA-Economics”ə istinadən xəbər verir ki, şirkət rəhbəri Avropada qaz hasilatı azalıb: 

“Bu isə idxalın artırılmasını zəruri edir. Şübhəsiz ki, “Cənubi Qaz Dəhlizi” Avropanın əsas enerji layihəsidir”.

“Cənub Qaz Dəhlizi” layihəsi regionun ən aktual layihələrindən biridir. “Şahdəniz-2” layihəsi üzrə hasil edilən qaz sualtı boru kəməri ilə Səngəçal Terminalına və daha sonra Cənubi Qafqaz Boru Kəməri (CQBK), TANAP və TAP vasitəsilə Türkiyə və Avropa bazarlarına çatdırılacaq. Layihə Gürcüstan və Türkiyə ilə birlikdə Avropa ölkələrinin davamlı enerji təhlükəsizliyi ilə əlaqədar strateji maraqlarına xidmət edəcək.

Türkiyəyə ilk qaz ixracı 2018-ci ildə, Avropaya isə 2020-ci ildə planlaşdırılır.