Cari ilin yanvar-iyun aylarında quşçuluq fabriklərində diri çəkidə 38,0 min ton quş əti istehsal edilib. 

Mediatv.az rəsmi statistikaya istinadən xəbər verir ki, ötən il quş əti istehsalı 30,4 min ton təşkil edib.

İlin əvvəlindən 382,0 milyon ədəd yumurta istehsal olunub. Ötən ilin müvafiq dövründə bu rəqəm 342,9 milyon ədəd olub. Ümumilikdə fabriklər üzrə cəmi quşların sayı 11054,4 min baş olub. Hər yumurtlayan toyuqdan orta hesabla 102 ədəd yumurta alınıb.

Onu da nəzərə çatdıraq ki, istehsalla bərabər, ölkəyə quş əti və əlavə məhsulların idxalı 2,4 dəfə artıb. Yumurtanın qiyməti bir ilə ərzində 10,7 faiz bahalaşıb.