Xəbər verdiyimiz kimi, Azərbaycan Milli Elmlər Akademiyasının (AMEA) Dairəvi zalında Rəyasət Heyətinin 2013-cü ildəki elmi və elmi-təşkilati fəaliyyətinə həsr olunan ümumi yığıncaq keçirilir. 

“Mediatv.az”nun məlumatına görə,  yığıncaqda Bakı Dövlət Universitetinin rektoru, akademik Abel Məhərrəmov elm sahəsində çalışanlara vəsait ayrılmamasından gileylənib:

 “Yaxşı olardı ki, burada digər qurumların- İqtisadi İnkişaf və Maliyyə nazirliklərinin nümayəndələri iştirak edərdi. Alimin mütləq maddi bazası olmalıdır. Bu gün Azərbaycan universitetlərində fundamental tədqiqat işləri gedir. Bu səbəbdən onlara subsidiyalar ayrılmalıdır. Digər ən vacib təklifim isə ondan ibarətdir ki, magistr, doktorantura pilləsində təhsil alan gənc oğlanlar hərbi xidmətdən azad edilsinlər”.