“Forbes” jurnalının rus versiyası Rusiyanın dövlət büdcəsindən ötən il ərziində ən çox podrat sifarişləri alan şirkətlərin reytinqini dərc edib.

Mediatv.az:  Virtualaz.org xəbər verir ki, siyahıda prezident Putinin dostu Arkadi Rotenberqin “Stroyqazmontaj” şirkəti liderlik edir. Bu şirkət dövlət büdcəsindən 555.5 milyard rubl həcmində tikinti sifarişi alıb. Bu layihələrdən ən irisi Krıma Kerç körfəzi üzərindən körpü tikintisidir. Layihənin dəyəri 228 milyard rubldan çoxdur.

Oliqarx Leonid Mixelson isə siyahıda ikincidir Onun şirkəti “Qazprom”la Amursk qaz emalı zavodunun tikintisinə dair müqavilə bağlayıb. Müqavilənin dəyəri 344 milyard rubldur. Putinin digər dostu Gennadi Timçenko isə siyahıda üçüncüdür. Onun “Stroyqaztrans” şirkəti dövlət büdcəsindən 161 milyard rubl həcmində sifariş alıb.

Azərbaycanlı oliqarx Araz Ağalarov da ilk onluqdadır. Onun “Crocus Group” şirkətinin büdcədən aldığı sifarişlərin həcmi 70 milyard rubla yaxındır. Bura Kalininqradda və Rostovda iki stadionun tikintisi layihəsi də daxildir.