Brent neftinin barrelinin qiyməti ABŞ-da xam neft ehtiyatlarının artdığını göstərən məlumatın açıqlanmasından sonra 30 dollardan da aşağı düşdü.

Mediatv.az xəbər verir ki, Londonda Brent neftinin qiyməti 3.6%-ə qədər düşərək 29.77 dollar olub.
ABŞ neft isə 0,5% ucuzlaşaraq 30.11 dolları görüb. ABŞ neftinin barrelinin qiyməti də Dekabrın 12-də 30 dollardan aşağı düşmüşdü.
Qiymətin düşməsinə İranla nüvə müqaviləsinin həyata keçirəcəyinə dair gözləntilər də təsir göstərib. ABŞ-ın Dövlət katibi Con Kerri, İran ilə əldə edilən və bu ölkəyə qarşı sanksiyaların bəzilərinin ləğv edilməsini təmin edəcək nüvə müqaviləsinin həyata keçirilməsinə “bir neçə gün” qaldığını söyləyib.
İrana qarşı tətbiq edilən sanksiyaların ləğv edilməsi və İranın neft ixracını artırması ilə neft qiymətlərinin daha da aşağı düşəcəyi gözlənilir.