Vergilər Nazirliyi bütün vergi ödəyicilərinə sərt xəbərdarlıq edib.

Mediatv.az xəbər verir ki, nazirlik vergi borcu olan ödəyicilərin sərhəddən buraxılmayacaqlarını və azadlıqdan məhrumetmə cəzalarının belə tətbiq olunacağını qeyd edib. Hətta nazirlik xəbərdarlıq olaraq borcu olan bütün vergi ödəyicilərinin hər birinə mesaj göndərilib.
Nazirliyin etdiyi xəbardarlıqda deyilir ki, vergi borcu olan şəxslərin ölkədən çıxmasına qanunvericiliklə müəyyən edilmiş qaydada məhdudiyyət qoyulacaqdır.
İkinci xəbərdarlıq isə ondan ibarətdir ki, vergi ödəməkdən yayınan şəxslər cinayət məsuliyyətinə cəlb oluna bilər.
VN-nin vergi ödəyicilərinə göndərdiyi SMS-ləri təqdim edirik:“Cinayet Mecellesinin 213-cu maddesine esasen, vergi odemekden yayinma cinayetini toreden shexsler 2 ilden 7 iledek muddete azadliqdan mehrumetme cezasi ile cezalandirilirlar. Vergiler Nazirliyi”
Cinayət Məcəlləsinin 213-cü maddəsinə əsasən, vergi ödəməkdən yayınma cinayətini törədən şəxslər 2 ildən 7 ilədək müddətə azadlıqdan məhrumetmə cəzası ilə cəzalandırılırlar.