Qazaxıstanın "SCAT" aviaşirkəti Bakı da daxil olmaqla bütün beynəlxalq istiqamətlər üzrə biletlərin qiymətini 20 faiz bahalaşdırıb.

Mediatv.az xəbər verir ki, bu barədə şirkətin saytında dərc olunan məlumatda deyilir.

Məlumatda bildirilib ki, tariflərin məcburi artımı milli valyutanın sərbəst kursuna keçməsi ilə əlaqədardır: "Tariflərin bahalaşması barədə qərar aviasiya sahəsinin xüsusiyyəti ilə əlaqədardır. Çünki şirkət reyslərin təmin olunması, təyyarələrin texniki baxışdan keçirilməsi və işçilərin təlimi ilə bağlı əksər xərcləri ABŞ dolları ödəyir. Biletlərin bahalaşdırılması şirkətin gəlirlərinin artırılmasına yönəlməyib. Belə ki, dolların tengəyə qarşı qeyri-sabit kursu ilə bağlı şirkət bütün xərcləri ödəyə bilmir. Qiymətin artırılması yalnız beynəlxalq reyslərin təmin olunması ilə bağlı xərclərin bir qismini ödəyə bilir".

Qeyd edək ki, aviaşirkət Aktau-Bakı birbaşa reysləri həyata keçirir.

Bundan başqa, "Air Astana" aviaşirkəti də beynəlxalq aviadaşımalara görə qiymətlərin 25 faiz bahalaşdığını elan etmişdi.