İrana qarşı beynəlxalq sanksiyaların götürülməsindən sonra dünya bazarlarında neftin qiyməti daha da aşağı düşəcək. 

Bu barədə Dünya Bankı proqnoz verib.

Bankın proqnozuna görə, İranın neft bazarına tam qayıtmasından sonra alıcılara hər gün indikindən 1 milyon barrel çox neft təklif ediləcək. Nəticədə isə 2016-cı ildə neftin qiyməti daha 10 dollar aşağı düşəcək, yaxud indiki qiymətin 21 faizi qədər azalacaq.

Hazırda dünya bazarında təklif tələbatı üstələyir. Dünya bazarlarına çıxarılan neftin həcmi indiki tələbatı il yarım qabaqlayır.

İrana qarşı sanksiyalar hələ götürülməsə də Tehranla Qərb arasında nüvə anlaşması qiymətlərə mənfi təsir göstərib. Habelə Çində yuanın-milli valyutanın devalvasiyası neftin ucuzlaşmasına təsir edən amillərdir. İran ilin sonundan etibarən neft ixracını artırmağa hazırlaşır.