Yağıntıların həddindən çox düşməsi mənbəyini uca dağlardan götürən Tovuzçayı coşdurub.

Mediatv.az xəbər verir ki, çaya qarışan sel suları Aşağı Quşçu, Dondar Quşçu, Əsrik və Azaflı kəndlərini rayon mərkəzi ilə birləşdirən körpünü uçurub. Nəticədə avtomobillərin, sakinlərin çayın digər tərəfinə keçməsi mümkünsüzləşib.

...Bir neçə il öncə ərazidə yeni körpünün tikintisi planlaşdırılsa da, bu hələ də reallaşmayıb. Bu səbəbdən əlacsız qalan sakinlər övladlarını məktəbə yola salmaq üçün iri boruların üzəri ilə hərəkət etməli olurlar. Bu da olduqca təhlükəlidir.(Kepeztv.az)