Prezident İlham Əliyev Tapdıq Şükür oğlu Mahmudovun Gəncə Apellyasiya Məhkəməsinin sədri təyin edilməsi haqqında sərəncam imzalayıb.

Mediatv.az xəbər verir ki,Prezident bir sıra birinci instansiya məhkəmələri sədrlərinin təyin edilməsi haqqında da sərəncam imzalayıb.

Sərəncamda qeyd olunur ki, aşağıdakı şəxslər birinci instansiya məhkəmələrinin sədrləri təyin edilsinlər:

Nəbiyev Mahmud Yusif oğlu - Bakı Ağır Cinayətlər Məhkəməsinin sədri

Əliyev Natiq Mürsəl oğlu - Lənkəran Ağır Cinayətlər Məhkəməsinin sədri

Süleymanov Əli Ziya oğlu - Cəlilabad Hərbi Məhkəməsinin sədri

Kazımov Elçin Məmməd oğlu - Lənkəran Rayon Məhkəməsinin sədri

Bu sərəncam 2016-cı il, yanvarın 1-dən qüvvəyə minir.

Prezident İlham Əliyevin digər sərəncamı ilə Azərbaycan Respublikası Ali Məhkəməsinin kollegiya sədrləri də təyin edilib.

Sərəncamda deyilir ki, Azərbaycan Respublikası Ali Məhkəməsinin aşağıdakı hakimləri həmin məhkəmənin kollegiya sədrləri təyin edilsinlər:

Şəlalə Ağakərim qızı Məmmədova - Mülki Kollegiyanın sədri

Hikmət Abbas oğlu Mirzəyev - İnzibati-İqtisadi Kollegiyanın sədri

Şahin Yaşar oğlu Yusifov - Cinayət Kollegiyasının sədri.