Rusiyanın müxalifət lideri Aleksey Navalnıya oxunan hökmdən sonra onun tərəfdarları etiraz aksiyalarına başlayıblar. 

“MEDIATV.AZ” lenta.ru-ya istinadən xəbər verir ki, nümayişlər Moskvanın Manej meydanında keçirilir. Aksiyalarda 1000-dən artıq insan iştirak edir. 

Meydana polis maşınları, mülki formalı və dəbilqəli polislər, xüsusi xidmət orqanları (OMON-çular) cəlb edilib. 

Artıq “Manej”də 171 nəfər həbs edilib. Onların içində bu gün şərti həbs cəzası alan Aleksey Navalnının özü də var. O, meydana getməklə şərti cəzanı pozmuş hesab olunur. 

Qeyd edək ki, bu gün Moskva məhkəməsinin qərarı ilə Aleksey Navalnı 3 il yarım şərti, qardaşı Oleq  Navalnı isə 3 il azadlıqdan məhrum edilib.

• 
• 
• 
• 
• 
• 
• 
• 
• 

•