Respublika Hərbi Prokurorluğu tərəfindən hərbi komissarlıqlarda aparılmış yoxlamalar nəticəsində bir sıra hallarda çağırışçıların hərbi xidmətə çağırışdan əsassız azad edilmələri, onlara hərbi həkim komissiyalarının rəyinə əsasən, qanunsuz möhlət verilməsi və valideynlərindən rüşvət alınması müəyyən edilib. Bu növ qanun pozuntularına görə Binəqədi rayonunun komissarı Feyzi Ağabəyov və komissarlığın hərbi həkim komissiyasının sədri Zöhrab Muxtarov 2011-ci il aprelin 7-də həbs olunublar.

2012-ci il noyabrın 23-də Bakı Hərbi məhkəməsinin hökmü ilə Feyzi Ağabəyov 8 il 6 ay müddətinə azadlıqdan məhrumetmə cəzasına məhkum olunub, Zöhrab Muxtarova isə 4 il sınaq müddəti ilə 8 il 6 ay şərti cəza verilib.

Bakı Apellyasiya məhkəməsinə apellyasiya şikayəti ilə F.Ağabəyov müraciət edib. İşi araşdıran məhkəmə birinci instansiya məhkəməsinin hökmünü dəyişdirib, qərara əsasən F.Ağabəyovun cəzası 3 il 6 ay müddətinə endirilib