Rusiya Bolqarıstan səfirliyinin bir neçə əməkdaşını ölkədən çıxarır.

Mediatv.az “RİA Novosti”yə istinadən xəbər verir ki, bu barədə məlumatı Rusiya Xarici İşlər Nazirliyi yayıb.

Bolqarıstanın Moskvadakı səfiri Atanas Krıstin Rusiya XİN-ə çağırılıb və səfirliyin bir neçə əməkdaşının “arzuolunmaz şəxs” elan olunduğu barədə nota təqdim edilib.

Bildirilir ki, sözügedən qərar mart ayında Bolqarıstan tərəfindən Rusiyanın ölkədəki səfirliyinin 10 diplomatının “arzuolunmaz şəxs” elan olunmasına cavab tədbiri olaraq verilib.