“Rusiya qoşunları Luqansk vilayətinin Kremennaya şəhərinə daxil olub və artıq şəhərə nəzarət edirlər”.

Mediatv.az “Strana”ya istinadən xəbər verir ki, bu barədə məlumatı vilayətin qubernatoru Sergey Qayday açıqlayıb. 

Onun sözlərinə görə, gecə ağır döyüşlər gedib.

“Biz artıq şəhərdən insanları çıxara bilməyəcəyik. Sakinlər şəhəri tərk etməyə çalışıb. Rusiyalı hərbçilər onlara atəş açıb. İlkin məlumata görə, mülki avtomobilin atəşə tutulması nəticəsində 4 nəfər həlak olub, daha 1 nəfər isə yaralanıb”, - deyə Qayday söyləyib.