“Rusiyanın hava hücumundan müdafiə vasitələri İzyum şəhərindən 15 kilometr məsafədə Ukraynaya məxsus “Su-25” təyyarəsini vurublar”.

Mediatv.az “TASS”a istinadən xəbər verir ki, bunu Rusiya Müdafiə Nazirliyinin rəsmi nümayəndəsi general-mayor İqor Konaşenkov deyib. 

Onun sözlərinə görə, Rusiyanın raket qoşunları və artilleriyası Ukrayna Silahlı Qüvvələrinin 811 obyektinə zərbə endiriblər. 

“Ümumilikdə hərbi əməliyyat başlayandan bu günə qədər rusiyalı hərbçilər Ukraynaya məxsus 133 təyyarə, 458 PUA, 246 zenit-raket kompleksi, 2246 tank və digər zirehli döyüş maşını, 252 reaktiv yaylım atəşi sistemi, eləcə də 2146 xüsusi hərbi avtomobil texnikasını sıradan çıxarıb”, - deyə Konaşenkov söyləyib.