Bu gün səhər saatlarında Rusiya qoşunları Ukraynanın paytaxtı Kiyev şəhərini atəşə tutub.

Mediatv.az “Ukrainskaya pravda”ya istinadən xəbər verir ki, bu barədə məlumatı Kiyevin meri Vitali Kliçko açıqlayıb. Onun sözlərinə görə, şəhərin Darnitski rayonunda partlayış səsləri eşidilib. 

Məlumata görə, hazırda hadisə yerində xilasedicilər və həkimlər çalışır. Xəsarət alanlarla bağlı məlumat dəqiqləşdirilir. 

Kliçko həmçinin, şəhəri tərk edən və qayıtmağa hazırlaşan sakinləri hələ ki, paytaxta geri dönməkdən çəkinməyə və daha təhlükəsiz yerlərdə qalmağa çağırıb.