APA-nın məlumatına görə, S.Aksyonov Rusiya prezidenti Vladimir Putinə müraciət edib və muxtar respublikada sabitliyin təmin olunması üçün Moskvadan yardım istəyib.

Krımın yeni baş naziri həmçinin bəyan edib ki, müvəqqəti olaraq muxtar respublikanın bütün güc strukturlarını özünə tabe etdirib. Bu qərarı S.Aksyonov respublika ərazisində naməlum silahlı qruplaşmaların olması, habelə Krımdakı güc strukturlarının duruma nəzarət etmək iqtidarında olmaması ilə əlaqələndirib.

“Bütün komandirlər yalnız mənim göstərişlərimi icra edəcək. Razı olmayanlardan vəzifələrindən istefa verməyi xahiş edirəm”, - deyə o vurğulayıb.