Məlalə Yusifzayın və hindistanlı hüquq müdafiəçisi Kaylaş Satyarthinin 2014-cü ilin Nobel sülh mükafatına layiq görüldüyünü İsveç Akademiyası oktyabrın 10-da açıqlamışdı.

Məlalə Yusifzayın 17 yaşı var. O, bloqunda “Taliban” hərəkatını tənqid etdiyinə və qızların təhsil almaq hüququnu müdafiə etdiyinə görə 2012-ci il oktyabrın 9-da, 15 yaşında “Taliban” döyüşçülərinin hücumuna məruz qalıb. Başından ağır yara alan qızın eşitmə qabiliyyəti Böyük Britaniyada müalicədən sonra bərpa olunub. Həmin vaxtdan Avropada yaşayan Məlalə Yusifzay hüquq müdafiəçisi kimi məşhurlaşıb və 2013-cü ildə Avropa Parlamentinin Saxarov mükafatını alıb.

60 yaşlı Kaylaş Satyarthi Hindistanda fəaliyyət göstərən hüquq müdafiəçisidir, əsasən uşaq hüquqlarının müdafiəsi ilə məşğul olur. (mediaforum.az)