Bu gün İran və Rusiya donanmalarının Hind okeanının şimalında birgə hərbi dəniz təlimləri başlayıb.

“Mediatv.az” xəbər verir ki, bu barədə “TASS” agentliyi Rusiyanın Tehrandakı səfirliyinə istinadən məlumat verib.

“Təlimlər bu gün başlayıb. Bunu təsdiqləyirik”,- deyə səfirliyin açıqlamasında qeyd olunub.

Daha əvvəl İran ordusunun mətbuat xidməti manevrlərin 16 fevralda başlayacağını bildirmişdi.

Qeyd edək ki, 2019-cu il dekabr ayının sonunda İran, Rusiya və Çin donanmaları Oman körfəzi və Hind okeanında ortaq hərbi dəniz təlimləri keçirmişdi.