Rusiya və İran koronavirusa qarşı “Sputnik V” peyvəndinin birgə istehsalı barədə müqavilə imzalayıblar.
APA-nın Moskva müxbirinin xəbərinə görə, bu barədə İranın Rusiyadakı səfiri Kazım Cəlali bildirib.
“Peyvəndin birgə istehsalı barədə danışıqlar başa çatıb. Yaxın vaxtlarda İranda birgə peyvəndin istehsalının şahidi olacağıq”, - deyə iranlı diplomat vurğulayıb.
Qeyd edək ki, dünəndən İranda Rusiyanın “Sputnik V”-dən istifadə edilməklə əhalinin peyvəndlənməsinə başlanılıb.