2021-ci il yanvarın 1-dən 31-dək Türkiyədə və xaricdə aparılan antiterror əməliyyatları zamanı terror təşkilatı PKK və onun Suriyadakı qanadı YPG-nin 112 silahlısı zərərsizləşdirilib.

Mediatv.az “Anadolu” agentliyinə istinadən xəbər verir ki, Türkiyənin təhlükəsizlik qüvvələri həm ölkə daxilində, həm də xaricdə terrorçuların məhv edilməsi istiqamətində əməliyyatları davam etdirir.

Əməliyyatlarda Türkiyə Silahlı Qüvvələrinin bölmələri, jandarma, təhlükəsizlik və kəşfiyyat şöbələri iştirak edir.

Yanvar ayında aparılan antiterror əməliyyatları zamanı təhlükəsizlik qüvvələrinin 2 üzvü şəhid olub və 2 əsgər yaralanıb.

Son bir ayda Türkiyədə terror təşkilatı ilə əlaqəli olmaqda şübhəli bilinərək saxlanılan 106 nəfərdən 70-i məhkəmə qərarı ilə həbs olunub.

24 yanvar 2021 tarixindən etibarən bu ilin əvvəlindən bəri könüllü olaraq silahlarını yerə qoyan və Türk təhlükəsizlik qüvvələrinə təslim olan PKK terrorçularının sayı isə 14-ə çatıb.

Qeyd edək ki, ABŞ və Avropa Birliyi PKK-nı terror təşkilatları siyahısına daxil edib.