Gürcüstan prokurorluğu keçmiş baş nazir Zurab Jvanianın meyitinin ekskumasiya olunmasına qərar verib. 

Mediatv.az ans press-ə istinadən məlumatına görə, bu, Jvanianın ölüm səbəbinin araşdırılması ilə bağlı istintaq işinin bir hissəsidir.

Bu gün keçirilən mətbuat konfransında prokuror Revaz Nadoi meyitin çıxarılıb, yenidən yoxlanılmasına Jvanianın qohumlarının razılıq verdiyini bildirib. Təhqiqatda xarici ekspertlər də iştirak edəcək.

Qeyd edək ki, 2005-ci il Jvanian və Kvemo Kartli regionunun qubernator müavini Raul Yusupov Tbilisidə mənzildə ölü tapılmışdı.

İlkin olaraq onların qaz qızdırıcısının nasazlığı səbəbindən karbon monoksiddən boğulduğu bildirilirdi.

Ancaq 2012-ci ildə bu cinayət işi yenidən açılıb.

Bu ilin mart ayında mətbuatda gedən fotolarda Jvanianın bədənində zədələr, göy ləkələr olduğu görünürdü.