Mediatv.az Türkiyə mətbuatına istinadən xəbər verir ki, Ərdoğan Apelyasiya Məhkəməsinin 146-cı ildönümü münasibəti ilə təşkil edilən mərasimdə çıxış edən Mətin Feyzioğlunun ifadələrinə sərt reaksiya göstərib.

Mətin Feyzioğlu qarşıdan gələn prezident seçkiləri və ölkədə məhkəmələrin vəziyyəti ilə bağlı danışarkən Ərdoğanın qəzəbinə tuş gəlib. Ərdoğan M.Feyzioğlunun bu çıxışını yarıda kəsərək “səhv danışırsan” deyib. M.Feyzioğlunun çıxışını ədəbsizlik adlandıran Ərdoğanı heç kim sakitləşdirə bilməyib. Prezident Abdullah Gülün də iştirak etdiyi mərasimdə Ərdoğan qışqıra-qışqıra salonu tərk edib.