Dubaydan Rostov-na-Donu şəhərinə uçan sərnişin təyyarəsi pis görüntü şəraitində eniş edərkən qəzaya uğrayıb.

Mediatv.az xəbər verir ki, bu barədə regionun fövqəladə xidmət orqanlarına istinadən RİA “Novosti” məlumat yayıb.
“İlkin olaraq “Boeing-737″ pis görüntü şəraitində uçuş-enmə zolağından 50-100 metr kənara düşüb”, – deyə mənbə bildirib.
Təyyarə “Fly Dubai” aviaşirkətinə məxsus olub. Eniş zamanı partlayış baş verib. Təyyarənin göyərtəsində 6 heyət üzvü, 55 sərnişin, eləcədə də 4 uşaq olub. Onların hamısı ölüb. Qəzadan sonra yanğın baş verib. Hazırda hava limanı bağlanıb.
Rostov vilayətinin nəqliyyat polisi təyyarənin düşməsi faktını təsdiqləyib.
***
Sərnişinlərin hamısı rus, heyət üzvləri isə əcnəbilər olub.