"Boko Haram" terrorçu qruplaşmasının silahlıları Nigeriyanın şimal-şərqində Borno əyalətində yerləşən kəndin 56 dinc sakinini qətlə yetirib.

Anspress-in məlumatına görə, "Boko Haram" terrorçu qruplaşması öz zorakı kampaniyasını genişləndirmək üçün Nigeriya kəndlərindən birində 56 dinc sakini qətlə yetirib.

Borno dövlət məmuru Kaşim Şetima ötən il məktəbdən oğurlanmış 219 qızların valideynləri ilə münaqişə yaşayıb. Çibok şəhərində məktəbdən əsir götürülən qızlar 500 gün əsir saxlanılıblar.

"Mən anlatmaq istəyirəm ki, Boko Haram bizim hamımız üçün bir fəlakətdir. Onlar üçün fərqi yoxdur, kim müsəlmandır, kim xristian. Onların heç bir qəbilədən asılılığı və ya bağlılığı yoxdur. Gördünüz, durduqları yerdə onlar 56 dinc sakinləri öldürdülər. Ölənlərin cəsədləri hələ də küçələrdən yığılmayıb. Çünki sağ qalanlar xilas olmaq üçün həmin ərazidən qaçıblar", - deyə məmur bildirib.

"Boko Haram" son 6 ildə Nigeriya və ətraf sərhədyanı ölkələrdə fəaliyyət göstərir. Məlumata görə, indiyə qədər 20 minə yaxın insan terrorçu qruplaşmasının qurbanı olub. Onlardan mini isə, xüsusən, mart ayında prezident Məhəmməd Buxarı seçildikdən sonra öldürülüb.