Türkiyənin İzmir şəhərində vətəndaşlardan biri "Dövlət məni saymır" deyərək, əlindəki benzini qızının üstünə təkərək onu yandıracağı ilə təhdid edib. Adının Sərdar olduğu öyrənilən şəxs, polisləri yaxına buraxmayıb. Bizimyol.info xəbər verir ki, Sərdar bir qrup şəxsin 4 ay əvvəl evinə hücum elədiyini və evinə girə bilmədiyi üçün küçələrdə yatdığını deyib. O məsələ ilə bağlı heç kimin məşğul olmadığını bildirib. Hadisə yerinə gələn xilasedicilərin, probleminin həll olunması ilə bağlı verdiyi vədlərdən sonra Sərdar gözyaşları içində polisə təslim olub. 6 yaşlı qız isə atasından ayrılmaq istəmədiyini deyib. Sərdar və qızı, polis mərkəzinə aparılıb. 

 Mediatv.az