Qarsın Kağızman qəsəbəsində yolu bağlayan bir qrup terrorçu 12 avtomobili yandırıb.Bizimyol.info xəbər verir ki, 30 PKK terrorçusu Kağızman-Iğdır-Ərzurum yolunu bağlayaraq avtomobilləri yandırmağa başlayıb. Terrorçular sürücülərin pullarını və telefonlarını alaraq onları döyüblər. Ümumlikdə 8 TIR, 2 avtomobil, 1 avtobus və 1 LPG tankeri yandırılıb. Əraziyə gələn polislə terrorçular arasında atışma baş verib. Terrorçular qaçmağı bacarıb. 4 yanğınsöndürənin köməyi ilə 2 saat sonra yanğın söndürülüb. Terrorçuların tutulması üçün bölgədə geniş çaplı əməliyyat başladılıb.