İŞİD-ə qarşı kamikdze əməliyyatı, 33 silahlı ölüb

İraqın Neynəva əyalətinin əl-Biac qəzasında İŞİD terror təşkilatının qərargahı qarşısında bir minalanmış maşın partladılıb.

 Mediatv.az al-HadathNews-a istinadla verdiyi xəbərə görə, bu barədə yerli mənbələr məlumat veriblər.

İŞİD qərargahının qarşısında bir kamikadze tərəfindən həyata keçirilən partlayışda aralarında İŞİD-in yeniyetmə yaşlarında olan üzvləri də daxil olmaqla ümumilikdə 33 nəfər ölüb.

İŞİD partlayışı planlaşdıranları tutmaq üçün qəzanın girəcəklərini bağlayıb və üzvlərinin cənazələrini Mosula göndərib.

Qeyd edək ki, Mosul, Təlafir və əl-Biac İŞİD nəzarətində olmasına baxmayaraq, burada təşkilatın üzvlərinə qarşı tez-tez hücumlar olur.

 Mediatv.az