İraqın Ənbər vilayətinin qərb rayonlarında İŞİD qüvvələri 30 nəfəri qətlə yetirib. Onlar arasında uşaqlar və qadınlar da var. İŞİD qətlə yetirilənləri hökumət qüvvələri ilə əməkdaşlıqda ittiham edib.

Mediatv.az-ın İTAR TASS-a istinadən xəbərinə görə, bazar günü İraqın şimalındakı Mosul şəhərinin məktəblərindən 120-yə qədər məktəbli İŞİD silahlıları tərəfindən oğurlanıb. Oğurlanan məktəblilərin taleyi barədə heç bir məlumat yoxdur.

Kürdüstan Demokrat Partiyasının yaydığı xəbərə görə, İŞİD nəzarətində olan Mosulda bu gün 20 nəfəri kütlə qarşısında güllələyərək edam edib.