Antalyalı fermer anomal istilər səbəbi ilə 2 min mal-qaranı fontan və buxarlı sistemlə sərinlədib.

AZƏRTAC Türkiyə mətbuatına istinadla xəbər verir ki, sistem vasitəsilə həm heyvanlar istidən qorunub, həm də verdikləri südün miqdarı 20 faiz artıb.

Antalyanın Döşәmәaltı qəsəbəsində təxminən 80 min kvadratmetr ərazidə 2 min iribuynuzlu heyvan yetişdirən ət ferması anomal istilərdən təsirlənən heyvanları sərinlətmək üçün maraqlı üsula müraciət edib. Müəssisə rəhbərləri istixanalarda quraşdırılan suvarma sistemindən heyvanları sərinlətmək üçün istifadə edib. Yeni sistemlə heyvanların üzərinə bəzi hissələrdə buxar, bəzi hissələrdə isə su püskürülür.

Qeyd edək ki, sistem vasitəsilə çöldə 46 dərəcəni ötən isti hava tövlə içində 28 dərəcəyə düşür. Beləliklə, heyvanların süd məhsuldarlıqları 20 faiz artır.

Mediatv.az