Mediatv.az-ın məlumatına görə, bu barədə amerikalı politoloq Pol Kreyq Roberts bildirib.

 

 

“Vaşinqton “soyuq müharibə” dövründə “demokratik müxalifət”i dəstəkləməklə kommunist rejimləri ilə mübarizə aparırdı. Hazırda ABŞ Rusiyanin Avropadakı energetika təsirini dayandırmaq üçün həmin siyasətə qayıdıb”, - politoloq deyib.

 

 

Makedoniyada hakimiyyətin dəyişməsində ABŞ-ın maraqlı olduğunu deyən Pol Kreyq Roberts rəsmi Skopyenin Rusiyaya qarşı sanksiyalara qoşulmamasına və “Türk axını” qaz kəməri layihəsini dəstəklədiyinə diqqət çəkib: “Yunanıstan Brüssel və Beynəlxalq Valyuta Fondu, həmçinin alman və holland bank strukturlarının ciddi təzyiqi altındadır. Serbiya Qərbin siyasətindən zərər çəkmiş ölkədir. Keçmiş Yuqoslaviyanın NATO tərəfindən bombalanmasını xatırlamaq kifayətdir. Vaşinqtonun qorxusu onunla bağlıdır ki, bu iki dövlətin arasında yerləşən Makedoniya Rusiyanın energetika layihələrini dəstəkləyən Avropa dövlətlərinin xüsusi ittifaqının bir hissəsi olacaq”.

 

Amerikalı politoloqun fikrincə, ABŞ Makedoniyada hakimiyyət dəyişikliyinə nail ola bilərsə, Vaşinqton Azərbaycan vasitəsilə Avropaya qaz tranziti layihəsinə qoşulmaq üçün Afinanı inandırmağa cəhd edəcək. O, hesab edir ki, beləliklə də, Vaşinton Rusiyanın Avropada təsir sahəsinin azaldılmasında mühüm addım atmış olacaq. 

 

 

Politoloq həmçinin Makedoniyada alban azlığının mövcudluğuna diqqət çəkir: “Bu azlıqdan bir alət kimi qeyri-qanuni hakimiyyət dəyişikliyi və şəxsi strateji maraqların lobbiçiliyi üçün istifadə olunur”. 

Publika.az