Suriyanın  Hələb əyalətinin şimalında bir kəndi hədəfə alan ABŞ təyyarələri 52 mülki vətəndaşı qətlə yetirib.

 

Avropa.info xəbər verir ki, mərkəzi ofisi Londonda yerləşən  Suriya İnsan Haqları Təşkilatının yaydığı  məlumata görə, cümə günü Hələb əyalətində  yerləşən Birməhlə kəndini bombardıman edən koalisiya təyyarələrinin İŞİD-lə heç bir əlaqəsi olmayan 52 dinc sakini öldürüb.

 

Təşkilatın rəhbəri  Rami Abdurrahman tərəfindən yayılan açıqlamada həyatını itirənlərin arasında 7 uşağın olduğu bildirilir. Bundan başqa 13 kənd sakininin cəsədi hələ dağıntılar altından çıxarılmayıb.

Abdurrəhman  Suriyalı müxaliflərin bölgə yaxınlığında IŞİD ilə toqquşduğunu, lakin bombalanan kəndin İŞİD-ə heç bir aidiyyatı olmadığını qeyd edib. 

"Hava zərbəsinin Hələbdəki  kürd qruplarına  dəstək vermək məqsədilə  təşkil olunduğunu bildirilir.Lakin, bu kənddə İŞİD yoxdur. "