Taylandda ağıldan kəm kişi intihar etmək üçün qeyri-adi yola əl atıb. 

35 yaşındakı şəxs dəmir yolu relsinə uzanıb. Bu hadisə Taylandın Nakhon Savan şəhərində baş verib. 

Özünü relsə atan kişinin üzərindən qatar keçib. Ancaq buna baxmayaraq Supakorn Trakulkaev adlı şəxs ölməyib. Supakornun dəmir yolu xəttinə uzandığını görən maşinist tez qatarı dayandırıb. 

Vaqonların altında relslərə paralel olaraq uzanan şəxsin yalnız şalvarının bir hissəsi parçalanıb. Supakornun atası oğlunun psixoloji problemləri olduğunu deyib. 

Hadisənin "qəhrəman"ı bir neçə gün öncə atasına intihar edəcəyi barədə xəbərdarlığı edib. 

Qeyd edək ki, bənzər hadisə daha öncə də baş verib. 

İnternetdə sürətlə yayılan videolardan birində gənc bir oğlanın dəmir yolunda ölümə meydan oxuması da açıq aşkar görünür. O, kameranı quraşdırdıqdan sonra özünü sürətlə gələn qatarın altına atıb. Relslərin üzərindəki gəncin üzərindən sürət qatarı keçsə də ona heç nə olmayıb.