Mediatv.az  news.ru-ya istinadən məlumat verir ki, iyunun 8-də Misirin Hurqada şəhərində yırtıcı balıq 23 yaşlı rusiyalı turisti parçalayıb.
İyunun 8-də Misirin Xurqada şəhərində çimərlikdə pələng növlü köpəkbalığı 23 yaşlı rusiyalını öldürüb. Faciə sahildən 30 metr aralıda baş verib və buna çoxlu sayda insan şahid olub. Zərərçəkənə kömək etməyə heç kimin macalı çatmayıb. Hadisə şahidlərinin sözlərinə görə, gənci cəmi 20 saniyə ərzində suyun altında sürükləyib parçalayıblar.
Tezliklə Misir sahil mühafizəsi köpək balığını tutub, lakin Xurqada çimərliklərində dənizdə üzmək qadağası hələ də qüvvədədir.
İndi mütəxəssislər nəhəng balığın turistə hücumunun səbəblərini anlamaq üçün onu araşdırırlar. Misirin Ətraf Mühit Nazirliyi araşdırma hesabatını dərc etməyi planlaşdırır. Nazir faciəvi hadisə ilə bağlı yaradılmış xüsusi işçi qrupuna dəniz yırtıcılarının hücumu ilə insidentin təkrarlanmaması üçün bütün mümkün tədbirlərin görülməsini tapşırıb.
Eyni zamanda, təkcə Qırmızı dənizdə 20 növ köpəkbalığı yaşayır və onların hamısı insanlar üçün təhlükəlidir. Ruslar arasında məşhur olan kurortlarda üzgüçüləri hansı köpək balıqları təhdid edə bilər - şəkillərdən tanış olmaq olar.  шаблоны для dle 11.2